Bag ni Amor

One-time, big time yung nangyari kay Amor nung mapanalunan niya sa online bidding yung isang malaki at second-hand designer bag na isang bestseller luxury item. Sino ba naman ang hindi matutuwa kung pinalad kang maiuwi yung matagal mo ng pinaglaanan ng savings? Hindi naman siguro masamang maghangad na pumorma at ipakita sa iba na may nararating ka sa buhay at nasusulit yung mga online purchase sa social media. Pero buhat ng mapasakamay niya ito, tila may mga pangyayaring hindi maipaliwanag na nagaganap sa buhay niya at sa mga taong nakapaligid sa kanya. May babaeng mahaba ang buhok na nagpapakita sa kanya, may security guard, may nurse at may taong kakilala niya ang nagpaparamdam ng sakuna tuwing hawak niya yung nabili niyang bag. Nasaan na si Minda? Maipagdudugtong kaya ni Amor yung mga pangyayari sa kuwento sa buhay ng kaibigan niya kasama ang mahiwagang bag? Malalampasan kaya ni Amor ang mga bangungot at makita ang bagay na makakapagpahinto ng mga lagim na nangyayari? Gamitin kaya niya ang pinagdaanan ni Minda upang hindi mahalintulad sa magiging karanasan niya?